إنتفض ثور ,سيدى الرئيس
.... مش عاوز حاجه غير تحقيق مطالب إللى نالو الشهاده.............
مش انت ياريس إللى فتحت صدرك وقولت من ــــ يحتمى بغير الشعب عريان
ـــ ياريس الشعب فى حاله غليان......
اقولك انا ليه ياريس كل الغليان , علشان انت قولت كتيييييييييييير وكتر القوله بتجيب نسيان ونسيت ياريس
ـ ان حضرتك رئيس جيت بعد ثورة
ـــ وان شباب الثوره كانو هما الشراره إللى شالت مبارك وانهت حكم العسكر وهما إللى رفعوا (عصام شرف) على كتافهم فى الميدان وهم إللى نزلوه ونسيت ياريس انهم طالبو الإخوان بتولى امر البلاد (الكتاتنى رئيس مجلس الشعب) لكن كانت لسه الصفقه ماتمتش مع المجلس العسكرى
_ العيال دى ماتفرقش معاها لامبارك ولاطنطاوى ولاعنان علشان هى باختصار قضيتها قضيه وطن نكون اولا نكون ـــــــ مصــــــر
ــ لكن انتم ياريس قضيتكم قضيه جماعه نكون او لانكون ـــ اخوان ــــ (والله ان كانت مصر هتكون معاها الجماعه )
لو تفتكر ياريس فى جوله الإعاده العيال دى وقفت وراك وجابو لك سبعه مليون صوت فارق فى الإعاده ياريس اسمع ليهم
(يعنى ايه طنطاوى وعنان يطلعوا بقلاده)
يعنى ايه اكتر من سنه سلطه تشرعيه وسبع شهور سلطه تنفيذيه ولسه فى ناس بتاخد مرتبات بهباله
يعنى أيه ارفع مرتبات الموظفين وبلدنا لسه محتاجه
يعنى ايه عاهل السعوديه يعاملنا معامله الشحاته
يعنى ايه حرس يأمن العماره إللى جنب القصر ,مش دا يبقى خوف زياده ,يعنى ايه اعلان دستورى يشق البلد نصفين وتطلع ياريس بتصريحات طعمها ساده, يعنى ايه مستشارينكك منهم 6 يستقالوا.
طيب ليه رفيق ساب الحزب وكره السياسه طيب ليه العيال إللى كنت معاك بقم ضدك على فكره هى نفس العيال بتاعت شرف والمجلس العسكرى ومجلس الوزراء والله العيال دى شغاله صح طيب نراجع تاريخهم مع بعض ياريس
اعتصام حتى يسقط النظام (مبارك)
الجيش والشعب ايد واحده
يسقط يسقط المجلس العسكرى
شرف شرف هو الريس
عصام شرف بسكوته
وقفوا معاك ياريس
وقفوا ضدك ياريس .......... عارف ليه ياريس علشان هم معتمدين على بوصله حب الوطن يتوجهون كيفما توجههم , يبقى لازم تراجع نفسك ياريس
ثـــــــــور على مكتب الإرشاد ياريس
وقف اخونه الدوله وماتصدقش حد يقولك فين اخونه الدوله, طيب نحسبها بساطه, البلد فيها ـــ إخوان وفلول وشعب مطحون ـــ انت تمثل كام من مصر والفلول يمثلوا كام
هتلاقى الشعب بيمثل 95% يعنى الإخوان والفلول 5%
اه انا لازم فى المناصب احط الإخوان والفلول فى كفه واحده علشان الإخوان هما إللى سايبين الفلول فى المناصب(مصالح)... يبقى ياريس فى اخونه للدوله من اول رئيس الوزراء (صاحب اليد المرتعشه) يسمع وينفذ لحد نائب رئيس مجلس مركز اسنا الإخوانى البحت...
إرجع للشعب وثور ياريس
ثور على بديع وخيرت والعريان والكتاتنى
ثور على البرادعى واسحاق وحمدين
ثور على البلاك بلوك وعلى إللى عند الدستوريه معتصمين
ثور على الزند والجبالى إللى على الماضى ندمنين
ثور على سويرس وعلى كل المفسدين
الثــــــــوره أم القوانين ياريس
ثور على الإعلام المحرض إللى بيحرض بجد
خليك جمال ـ بتاع الستينيات فاكره ياريس ـ
ان كان هو اتهاون فى الدين إنت اتعامل مع البلد زيه بس متفرطش فى الدين والله احنا مسلمين ومسيحين بنحب الدين
الوقت عاوز راجـــــــل عــــادل مستبــــــــــــد
مش عارف ازاى بس هى كدا... حالنا بيقول كدا
ياريس بلاش تدينا إشاره يمين وتدخل شمال
.............. ياريس إننا على حافه الهاويه ...............
اللهم انى بلغت اللهم فاشهد
ياربـــــــ خيبى ظنى واحفظ مصر واهلها
...................................................
................................................
.............................................
لو كلامى صح اعمل شير, يمكن توصل للريس
ولو كنت غلط وروتى الصح , علشان خلاص غلبت
وبقيت مش عارف الصح من الغلطت
وليد حلمي
يسعدنا تفاعلكم بالتعليق، لكن يرجى مراعاة الشروط التالية لضمان نشر التعليق
1أن يكون التعليق خاص بمحتوى التدوينة
2أن لا تضع أي روابط خارجية
3لاضافة كود حوله اولا بمحول الاكواد
محول الأكوادمحول الأكواد الإبتساماتالإبتسامات